Arkivskapar_ID: 311

Overlikningsnemnda

Sjå også under likningsnemnda. Når skattelikninga var avslutta, skulle likningsnemnda sende innberetning til departementet (for byane) eller til amtsskattestyret (for landkommunane). Klager over likninga skulle i første omgang handsamast av den instansen som hadde utført den, altså likningsrådet/likningsnemnda. Neste klageinstans var overlikningsnemnda. Overlikningsnemndas forhandlingar er normalt ført i likningsnemndas forhandlingsprotokoll, men kan også vere ført for seg sjølv. Kjelde: Mykland og Masdalen 1987, s. 67ff.